Times of America
A Panorama of Political, Social, Cultural and Heritage of East and West
Times of America
is a periodical News on
Monthly
. It is a panorama of Political, Social, cultural and heritage of East and West.
2026 February
Previous Issues
2026 നവംബര് 16
ന്യൂസ് കോര്ഡിനേഷന്:
ജോയിച്ചന് പുതുക്കുളം; പി.പി.ചെറിയാന്
എഫ്എഎ ഗ്രൗണ്ട് സ്റ്റോപ്പിന്റെ പ്രത്യാഘാതം തുടരുന്നു, ഷിക്കാഗോയില് 160 വിമാനങ്ങള് റദ്ദാക്കി - അനില് മറ്റത്തിക്കുന്നേല്
ഷിക്കാഗോ: വെള്ളിയാഴ്ച യു.എസിലാകെ വിമാനങ്ങളുടെ പുറപ്പെടല് താല്ക്കാലികമായി നിര്ത്തിവച്ചതിന്റെ പ്രത്യാഘാതം ഞായറാഴ്ചയും തുടര്ന്നു. നവംബര് 15 ഞായറാഴ്ച പുലര്ച്ചെ 5:47 വരെയുള്ള കണക്കുപ്രകാരം ഷിക്കാഗോയിലെ ഒ.ഹെയര് വിമാനത്താവളത്തില് 117 വിമാനങ്ങളും മിഡ്വേയില് 43 വിമാനങ്ങളും റദ്ദാക്കിയതായി എബിസി 7 റിപ്പോര്ട്ട് ചെയ്തു. ഞായറാഴ്ച രാജ്യത്താകെ 1,600ലധികം വിമാനങ്ങള് റദ്ദാക്കിയതായും 3,600ഓളം സര്വീസുകള് വൈകിയതായും റോയിട്ടേഴ്സ് റിപ്പോര്ട്ട് ചെയ്തു. അര്ക്കന്സാസിലെ ഫെഡറല് ഏവിയേഷന് അഡ്മിനിസ്ട്രേഷന് കേന്ദ്രത്തില് ഒരു റൗട്ടര് മാറ്റിയതിനു പിന്നാലെ ടെക്സസിലെ മറ്റൊരു റൗട്ടറില്പ്രശ്നമുണ്ടായെന്നാണ് അധികൃതരുടെ വിശദീകരണം. അവിടെനിന്നുള്ള അമിത ഡാറ്റാ പ്രവാഹം മറ്റു വ്യോമഗതാഗത നിയന്ത്രണ കേന്ദ്രങ്ങളിലെ റൗട്ടറുകളുടെ പ്രവര്ത്തനത്തെയും ആശയവിനിമയ സംവിധാനങ്ങളെയും ബാധിച്ചു. ഇതേത്തുടര്ന്ന് വെള്ളിയാഴ്ച രാജ്യത്തെ മിക്ക വിമാനങ്ങളുടെയും പുറപ്പെടല് അഞ്ചുമണിക്കൂറോളം നിര്ത്തിവച്ചു. സൈബര് ആക്രമണത്തിന് തെളിവില്ലെന്നും തകരാറിന്റെ മൂലകാരണം ഇനിയും കണ്ടെത്തിയിട്ടില്ലെന്നും യു.എസ്. ഗതാഗത സെക്രട്ടറി ഷോണ് ഡഫി പറഞ്ഞു. തിങ്കളാഴ്ചയോടെ വിമാന സര്വീസുകള് പൂര്ണമായി സാധാരണ നിലയിലെത്തുമെന്നാണ് പ്രതീക്ഷ. യാത്രക്കാര് വിമാനത്താവളത്തിലേക്ക് പുറപ്പെടുംമുമ്പ് തങ്ങളുടെ വിമാനത്തിന്റെ സ്ഥിതി എയര്ലൈനുമായി പരിശോധിക്കണം.
ആരതി ഷാ എന്വിഡിയയുടെ ബോര്ഡ് ഓഫ് ഡയറക്ടേഴ്സ് അംഗം - പി.പി ചെറിയാന്
കാലിഫോര്ണിയ: എന്വിഡിയയുടെ ബോര്ഡ് ഓഫ് ഡയറക്ടേഴ്സ് അംഗമായി ഇന്ത്യന് അമേരിക്കന് വംശജ ആരതി ഷാ നിയമിതയായി. ഫാര്മസ്യൂട്ടിക്കല്, ഡിജിറ്റല് ഹെല്ത്ത്, സൈബര് സുരക്ഷ, ഡാറ്റ അനലിറ്റിക്സ് രംഗങ്ങളില് മൂന്ന് പതിറ്റാണ്ടിലേറെ പരിചയമുള്ള വ്യക്തിയാണ് ആരതി. എലി ലില്ലി ആന്ഡ് കമ്പനിയില് ചീഫ് ഇന്ഫര്മേഷന് ആന്ഡ് ഡിജിറ്റല് ഓഫീസറായി പ്രവര്ത്തിച്ചിട്ടുണ്ട്. 2020 മുതല് എന്വിഡിയ ബോര്ഡിലുള്ള അവര്, ഗുജറാത്ത് സര്വകലാശാലയില് നിന്ന് കണക്കിലും സ്റ്റാറ്റിസ്റ്റിക്സിലും ബിരുദവും ബിരുദാനന്തര ബിരുദവും കാലിഫോര്ണിയ സര്വകലാശാലയില് നിന്ന് അപ്ലൈഡ് സ്റ്റാറ്റിസ്റ്റിക്സില് പിഎച്ച്ഡിയും നേടിയിട്ടുണ്ട്. സാന്ഡോസ് ഗ്രൂപ്പ്, നോര്ത്ത് വെസ്റ്റേണ് മ്യൂച്വല് തുടങ്ങിയ പ്രമുഖ സ്ഥാപനങ്ങളുടെ ബോര്ഡുകളിലും പ്രവര്ത്തിക്കുന്നുണ്ട്. എന്വിഡിയയുടെ മുന് സിഇഒ ജെന്സണ് ഹുവാങ് പദവി ഒഴിഞ്ഞ പശ്ചാത്തലത്തിലും, ചിപ്പ് കയറ്റുമതിയുമായി ബന്ധപ്പെട്ട് കമ്പനി യു.എസ് കോണ്ഗ്രസിന്റെ പരിശോധനകള് നേരിടുന്ന സമയത്തുമാണ് ഈ വാര്ത്ത പ്രാധാന്യം നേടുന്നത്.
പ്രവാസി വോട്ടവകാശം: സമരപ്രഖ്യാപന കണ്വെന്ഷന് തിരുവനന്തപുരത്ത് നടന്നു
തിരുവനന്തപുരം: വിദേശ ഇന്ത്യക്കാരുടെ വോട്ടവകാശം നടപ്പിലാക്കണമെന്ന് ആവശ്യപ്പെട്ടു കൊണ്ട്, ലോകമെമ്പാടുമുള്ള പ്രവാസി സംഘടനകളുടെ സഹകരണത്തോടെ, ഇന്ത്യന് ആക്ഷന് കൗണ്സില് ഫോര് സിവില് റൈറ്റ്സ്چഎന്ന ജനകീയ പ്രസ്ഥാനത്തിന്റെ നേതൃത്വത്തില്, ഭൂമിയില് എവിടെയെല്ലാം പ്രവാസികളുണ്ടോ, അവിടെയെല്ലാം പ്രവാസി വോട്ടവകാശ സമ്മേളനങ്ങള്چസംഘടിപ്പിക്കുന്നു. ഇതിന്റെ ഭാഗമായി, ആക്ഷന് കൗണ്സിലിന്റെ څസമര പ്രഖ്യാപന കണ്വെന്ഷന്چതിരുവനന്തപുരം പ്രസ്സ് ക്ലബ്ബില് നടന്നു. പ്രമുഖ ജ്യോതിഷ പണ്ഡിതനും ഗിന്നസ്സ് വേള്ഡ് റെക്കോര്ഡ് ജേതാവും പ്രവാസിയുമായ ഡോ.ജയനാരായന്ജി കണ്വെന്ഷന് ഉദ്ഘാടനം ചെയ്തു. ആക്ഷന് കൗണ്സില് ദേശീയ ചെയര്മാന് രാജീവ് ജോസഫ് അദ്ധ്യക്ഷത വഹിച്ചു. കേരളത്തില് 140 അസംബ്ലി മണ്ഡലങ്ങളിലും, രാജ്യത്തെ മുഴുവന് സംസ്ഥാനങ്ങളിലും, വിവിധ രാജ്യങ്ങളിലും പ്രവാസി വോട്ടവകാശ സമ്മേളനങ്ങള്സംഘടിപ്പിക്കുവാനാണ് ആക്ഷന് കൗണ്സില് തയ്യാറെടുത്തുകൊണ്ടിരിക്കുന്നത്. രാജ്യത്ത് തിരഞ്ഞെടുപ്പുകള് വരുമ്പോള്, വോട്ടു ചെയ്യാനായി ലക്ഷക്കണക്കിന് പ്രവാസികള് നാട്ടില് എത്തണമെന്ന കേന്ദ്ര സര്ക്കാരിന്റെ ഉത്തരവ് ലോകമെമ്പാടുമുള്ള ഇന്ത്യക്കാരെ വിഡ്ഢികളാക്കുന്നതിന് തുല്യമാണ്. പോസ്റ്റല് വഴിയോ, ഓണ്ലൈന് വഴിയോ, ഇന്ത്യന് എംബസ്സികള് വഴിയോ പ്രവാസികള്ക്ക് വോട്ടു ചെയ്യുവാനുള്ള അവസരം തിരഞ്ഞെടുപ്പ് കമ്മീഷന് നടപ്പിലാക്കണമെന്ന് ആക്ഷന് കൗണ്സില് ചെയര്മാന് രാജീവ് ജോസഫ് ആവശ്യപ്പെട്ടു. ലോകമെമ്പാടും നടക്കുന്ന പ്രവാസി വോട്ടവകാശ സമ്മേളനങ്ങള്ക്ക് പുറമെ, ഇന്ത്യന് ആക്ഷന് കൗണ്സില് ഫോര് സിവില് റൈറ്റ്സിന്റെ നേതൃത്വത്തില്, ശക്തമായ സമര പോരാട്ടങ്ങള്ക്ക് തുടക്കം കുറിക്കുക എന്ന ലക്ഷ്യത്തോടെയാണ്, സമര പ്രഖ്യാപന കണ്വെന്ഷന്چസംഘടിപ്പിച്ചത്. പ്രവാസി ബന്ധു, ഡോ.എസ് അഹ്മദ് (ദേശീയ ചെയര്മാന്, എന്.ആര്.ഐ കൗണ്സില് ഓഫ് ഇന്ത്യ), വില്ലറ്റ് കൊരേയ (സെക്രട്ടറി ജനറല്, കോണ്ഫെഡറഷന് ഓഫ് എന്. ആര്. ഐ അസോസിയേഷന്സ്), ഇമാം കെ. പി അഹമ്മദ് മൗലവി എം.ഡി (രക്ഷാധികാരി, തോയ്ബ അക്കാദമി, കിളിമാനൂര്), ഡോ. എഫ്.എം ലാസര് (ചെയര്മാന്, ഡിസബിലിറ്റി റൈറ്റ്സ്), ഡോ.സിറിയക്ക് മാപ്രയില് (വേള്ഡ് ചാപ്റ്റര് ചെയര്മാന്, എന്.ആര്.ഐ കൗണ്സില് ഓഫ് ഇന്ത്യ), ഡോ.കെ.എസ് പ്രകാശ് ആലുവ (ജനറല് സെക്രട്ടറി, സേവ് കേരളം മിഷന്), അവിക്കര സത്താര് (സീനിയര് വൈസ് ചെയര്മാന്, എന്. ആര്.ഐ കൗണ്സില് ഓഫ് ഇന്ത്യ), ജിന്സി ജേക്കബ് (നാഷണല് കോര്ഡിനേറ്റര്, ഇന്ത്യന് ആക്ഷന് കൗണ്സില് ഫോര് സിവില് റൈറ്റ്സ്), വിഷ്ണുമോഹന് (നാഷണല് കോര്ഡിനേറ്റര്, റിപ്പബ്ലിക്കന് കോണ്ഗ്രസ് പാര്ട്ടി), എഴുത്തുകാരി സുമ പള്ളിപ്രം എന്നിവര് പ്രസംഗിച്ചു. വിവിധ രാജ്യങ്ങളില് സാമൂഹ്യ സാംസ്കാരിക മാധ്യമ രംഗത്ത് സ്തുത്യര്ഹ സേവനമനുഷ്ഠിച്ച പ്രതിഭകള്ക്ക് പി. വി വിവേകാനന്ദ് ഇന്റര്നാഷണല് എക്സലന്സ് അവാര്ഡ് നല്കി ആദരിച്ചു. ആക്ഷന് കൗണ്സില് സംസ്ഥാന കോര്ഡിനേറ്റര്മാരായ റോസ് മേരി എം, റജീന ഇഗ്നേഷ്യസ്, ജില്ലാ കോര്ഡിനേറ്റര് ആന്റണി ഗോമസ് എന്നിവര് പരിപാടികള്ക്ക് നേതൃത്വം നല്കി. 5എ കൊളംബസ് സെന്റ് മേരീസ് മിഷനില് ഇടവക തിരുനാള് ഭക്തിസാന്ദ്രമായി സമാപിച്ചു - സുജാ ആന്റണി കൊളംബസ്: കൊളംബസ് സെന്റ് മേരീസ് സീറോ മലബാര് കാത്തോലിക് മിഷനിലെ വാര്ഷിക തിരുനാള് ആഘോഷങ്ങള് ഭക്തിസാന്ദ്രമായ അന്തരീക്ഷത്തില് സമാപിച്ചു. സെപ്റ്റംബര് 13 ഞായറാഴ്ച ഉച്ചകഴിഞ്ഞ് 2:00 മണിക്ക് അര്പ്പിച്ച ആഘോഷമായ തിരുനാള് കുര്ബാനയില് കൊളംബസ് രൂപതാ മെത്രാന് ബിഷപ്പ് മാര് ഈര്ള് കെ. ഫെര്ണാണ്ടസ് മുഖ്യ കാര്മ്മികത്വം വഹിച്ചു. മിഷന് ഡയറക്ടര് റവ. ഫാ. നിബി കണ്ണായി, റവ. ഫാ.അബി തമ്പി, റവ.ഫാ. അനീഷ് തോമസ്, റവ. ഫാ. ആന്റണി ചോരവടി, റവ.ഫാ. ജിന്സ് കുപ്പക്കാര, റവ. ഫാ. ജോസഫ് തോമസ്, റവ.ഫാ. പെത്രോസ് ബൊട്ടാച്ചേവ്, റവ.ഫാ. ടോം ആന്റോ പുത്തന്കാലം, റവ.ഫാ. വിന്സെന്റ് ടി. എന്ഗുയാന് എന്നിവര് തിരുക്കര്മ്മങ്ങളില് സഹകാര്മ്മികരായി. വിശുദ്ധ കുര്ബാനയ്ക്ക് ശേഷം ഭക്തിനിര്ഭരമായ പ്രസുദേന്തി വാഴ്ചയും തിരുനാള് പ്രഘോഷണ പ്രദക്ഷിണവും നടന്നു. തുടര്ന്ന് വൈകുന്നേരം 5:00 മണിക്ക് സ്നേഹവിരുന്നിന്റെ മുന്നോടിയായി ചായ സല്ക്കാരവും ഒരുക്കിയിരുന്നു. രാത്രി 8:30ന് നടന്ന വര്ണ്ണാഭമായ കരിമരുന്ന് പ്രയോഗവും തുടര്ന്ന് 8:45ന് ഒരുക്കിയ സ്നേഹവിരുന്നോടും കൂടി ഈ വര്ഷത്തെ തിരുനാള് ആഘോഷങ്ങള്ക്ക് സമാപനമായി. സ്വര്ഗ്ഗീയ അമ്മയുടെ മാധ്യസ്ഥം യാചിച്ചുകൊണ്ട് ഒരൊറ്റ കുടുംബമായി വിശ്വാസികള് ഒത്തുചേര്ന്ന അനുഗ്രഹീത നിമിഷങ്ങള്ക്കാണ് മിഷന് സാക്ഷ്യം വഹിച്ചത്.
ക്നാനായ കാത്തലിക് വിമന്സ് ഫോറം വെസ്റ്റേണ് ഒന്റാറിയോയ്ക്ക് പുതിയ നേതൃത്വം - അനില് മറ്റത്തിക്കുന്നേല്
ഒന്റാറിയോ: കാനഡയിലെ ഒന്റാറിയോ പ്രവിശ്യയിലെ ലണ്ടന് ആസ്ഥാനമായി പ്രവര്ത്തിക്കുന്ന ക്നാനായ കാത്തലിക് കോണ്ഗ്രസ് ഓഫ് വെസ്റ്റേണ് ഒന്റാറിയോയുടെ പോഷക സംഘടനയായ ക്നാനായ കാത്തലിക് വിമന്സ് ഫോറം ഓഫ് വെസ്റ്റേണ് ഒന്റാറിയോയുടെ 2026-2028 പ്രവര്ത്തനകാലയളവിലേക്കുള്ള പുതിയ ഭാരവാഹികളെ തിരഞ്ഞെടുത്തു. നവംബര് 7 ശനിയാഴ്ച ലണ്ടനിലെ ക്നായി തൊമ്മന് പാരിഷ് ഹാളില് നടന്ന വാര്ഷിക പൊതുയോഗത്തിലാണ് പുതിയ ഭരണസമിതിയെ തിരഞ്ഞെടുത്തത്. ക്നാനായ കാത്തലിക് കോണ്ഗ്രസ് ഓഫ് വെസ്റ്റേണ് ഒന്റാറിയോയുടെ 2024-2026 കാലയളവിലെ പ്രസിഡന്റ് ഫെബി തൈക്കാട്ടിന്റെ അധ്യക്ഷതയില് ചേര്ന്ന പൊതു യോഗത്തോടനുബന്ധിച്ചാണ് വിമന്സ് ഫോറത്തിന്റെ പുതിയ നേതൃത്വത്തെയും തിരഞ്ഞെടുത്തത്. പുതിയ ഭരണസമിതിയുടെ പ്രസിഡന്റായി സുജില് സാബു തറപ്പേല്, വൈസ് പ്രസിഡന്റായി ലിപ്സി ജിം തേരകതനാടിയില്, സെക്രട്ടറിയായി അഞ്ജന ആന് റോബി ഈന്തുംകാട്ടില്, ജോയിന്റ് സെക്രട്ടറിയായി നീനു ബിനീഷ് എടാട്ട്കാലായില്, ട്രഷററായി ആനി ജിയ ജയിംസ് പീടികയില് എന്നിവര് തിരഞ്ഞെടുക്കപ്പെട്ടു. 2024-2026 കാലയളവില് ജെസ്ലി പുത്തന്പുരയില് പ്രസിഡന്റായും സിമി കളമ്പാംകുഴിയില് വൈസ് പ്രസിഡന്റായും അഞ്ജന ഈന്തുംകാട്ടില് സെക്രട്ടറിയായും ലിസ പെരുമാപ്പാടം ജോയിന്റ് സെക്രട്ടറിയായും ഷീബ മുള്ളൂര് ട്രഷററായും എലിസബത്ത് കോറപ്പിള്ളില് ജോയിന്റ് ട്രഷററായും പ്രവര്ത്തിച്ചിരുന്നു. കഴിഞ്ഞ രണ്ടു വര്ഷക്കാലം വിമന്സ് ഫോറത്തിന്റെ വളര്ച്ചയ്ക്കും വിവിധ സാമൂഹിക, സാംസ്കാരിക, ആത്മീയ പ്രവര്ത്തനങ്ങള്ക്കും നേതൃത്വം നല്കിയ മുന് ഭരണസമിതിയിലെ എല്ലാ ഭാരവാഹികളുടെയും സേവനങ്ങളെ പൊതുയോഗത്തില് അഭിനന്ദിച്ചു. സംഘടനയുടെ പ്രവര്ത്തനങ്ങള്ക്ക് അവര് നല്കിയ പിന്തുണയ്ക്കും നേതൃത്വത്തിനും അര്പ്പണബോധത്തോടെയുള്ള സേവനങ്ങള്ക്കും അംഗങ്ങള് ഹൃദയപൂര്വം നന്ദി അറിയിച്ചു.
ന്യൂയോര്ക്ക് അയ്യപ്പ സേവാ സംഘത്തിന് പുതിയ ഭാരവാഹികള്; ഗോപിനാഥക്കുറുപ്പ് പ്രസിഡന്റ്, രഞ്ജിത് പിള്ള സെക്രട്ടറി - ജയപ്രകാശ് നായര്
ന്യൂയോര്ക്ക്: ന്യൂയോര്ക്ക് അയ്യപ്പ സേവാ സംഘത്തിന്റെ വാര്ഷിക പൊതുയോഗം നവംബര് 11 ബുധനാഴ്ച വൈകിട്ട് എട്ടിന് പ്രസിഡന്റ് ഗോപിനാഥക്കുറുപ്പിന്റെ അധ്യക്ഷതയില് ചേര്ന്നു. സംഘത്തിന്റെ കഴിഞ്ഞ വര്ഷത്തെ പ്രവര്ത്തനങ്ങള് വിലയിരുത്തിയ യോഗത്തില് പുതിയ ഭാരവാഹികളെയും ഭരണസമിതി അംഗങ്ങളെയും തിരഞ്ഞെടുത്തു. യോഗത്തില് പങ്കെടുത്ത എല്ലാവരെയും സ്വാഗതം ചെയ്ത പ്രസിഡന്റ് ഗോപിനാഥക്കുറുപ്പ്, സംഘത്തിന്റെ പ്രവര്ത്തനങ്ങളും നേട്ടങ്ങളും വിശദീകരിച്ചു. തുടര്ന്ന് സെക്രട്ടറി രഘുവരന് നായര് വാര്ഷിക പ്രവര്ത്തന റിപ്പോര്ട്ടും ട്രഷറര് കുന്നപ്പള്ളില് രാജഗോപാല് വരവുചെലവ് കണക്കുകളും അവതരിപ്പിച്ചു. വിശദമായ ചര്ച്ചകള്ക്കുശേഷം വാര്ഷിക റിപ്പോര്ട്ടും സാമ്പത്തിക കണക്കുകളും യോഗം അംഗീകരിച്ചു. കഴിഞ്ഞ ഒക്ടോബറില് ന്യൂയോര്ക്കില് സംഘടിപ്പിച്ച ആഗോള അയ്യപ്പ സംഗമവും അയ്യപ്പ ഭാഗവത ജ്ഞാനയജ്ഞവും വന് വിജയമായിരുന്നുവെന്ന് പൊതുയോഗം വിലയിരുത്തി. ഈ പരിപാടികളുടെ വിജയത്തിനായി അക്ഷീണം പ്രയത്നിച്ച ഭാരവാഹികളെയും പ്രവര്ത്തകരെയും സന്നദ്ധസേവകരെയും യോഗം പ്രത്യേകം അഭിനന്ദിച്ചു. ഭക്തജനങ്ങളുടെ സജീവ പങ്കാളിത്തവും സംഘാടകരുടെ കൂട്ടായ പരിശ്രമവുമാണ് പരിപാടികളുടെ വിജയത്തിന് അടിത്തറയായതെന്നും യോഗം അഭിപ്രായപ്പെട്ടു. 1991ല് സ്ഥാപിതമായ അയ്യപ്പ സേവാ സംഘം ന്യൂയോര്ക്ക്, സേവന പ്രവര്ത്തനങ്ങള്ക്കും സനാതന ധര്മത്തിന്റെ മൂല്യങ്ങള്ക്കും പ്രാധാന്യം നല്കിയാണ് പ്രവര്ത്തിച്ചുവരുന്നത്. ലോകാഃ സമസ്താഃ സുഖിനോ ഭവന്തുچഎന്ന മഹത്തായ ആപ്തവാക്യം ഉയര്ത്തിപ്പിടിച്ച് നിഷ്കാമസേവനത്തിന്റെ പാതയിലൂടെ മുന്നേറുന്ന സംഘടന 35 വര്ഷത്തെ പ്രവര്ത്തന പാരമ്പര്യമാണ് പിന്നിടുന്നത്. ആത്മീയവും സാംസ്കാരികവും സാമൂഹികവുമായ പ്രവര്ത്തനങ്ങളിലൂടെ ഭക്തജനങ്ങളെ ഒരുമിപ്പിക്കുന്നതിനൊപ്പം വരുംതലമുറയിലേക്ക് സനാതന ധര്മത്തിന്റെ മൂല്യങ്ങള് പകര്ന്നുനല്കുകയെന്ന ലക്ഷ്യവും സംഘം ഉയര്ത്തിപ്പിടിക്കുന്നു. സംഘത്തിന്റെ പ്രവര്ത്തനങ്ങള് കൂടുതല് ഊര്ജസ്വലമായി മുന്നോട്ടു കൊണ്ടുപോകുന്നതിനും ഭാവി പരിപാടികള് കാര്യക്ഷമമായി സംഘടിപ്പിക്കുന്നതിനുമായി പുതിയ ഭരണസമിതിയെ വാര്ഷിക പൊതുയോഗം തിരഞ്ഞെടുത്തു. പ്രസിഡന്റായി ഗോപിനാഥക്കുറുപ്പ്, വൈസ് പ്രസിഡന്റായി ജയചന്ദ്രന് രാമകൃഷ്ണന്, സെക്രട്ടറിയായി രഞ്ജിത് പിള്ള, ജോയിന്റ് സെക്രട്ടറിയായി മഹാദേവന് ശര്മ്മ, ട്രഷററായി രഘുവരന് നായര് എന്നിവര് തിരഞ്ഞെടുക്കപ്പെട്ടു. വനജ നായര്, കുന്നപ്പള്ളില് രാജഗോപാല്, അപ്പുക്കുട്ടന് നായര്, ജി.കെ. നായര്, മുരളീധരപ്പണിക്കര് എന്നിവരാണ് അഡ്വൈസറി ബോര്ഡിലേക്ക് തിരഞ്ഞെടുക്കപ്പെട്ടത്.
ഗോപിയോ ഡാളസ് ബ്ലാക്ക് ടൈ അവാര്ഡ്സ് ഗാല 2027 - പ്രസാദ് തീയാടിക്കല്
ഡാളസ്: വിവിധ മേഖലകളില് മികവ് തെളിയിക്കുകയും സമൂഹത്തില് ശ്രദ്ധേയമായ സംഭാവനകള് നല്കുകയും ചെയ്ത ഇന്ത്യന് വംശജരെയും സംഘടനകളെയും ആദരിക്കാന് ഗോപിയോ ഡാളസ് ടെക്സസ് ചാപ്റ്റര് څബ്ലാക്ക് ടൈ അവാര്ഡ്സ് ഗാല 2027چസംഘടിപ്പിക്കുന്നു. പുരസ്കാരങ്ങള്ക്കുള്ള നാമനിര്ദേശങ്ങള് 2026 നവംബര് 15 മുതല് സമര്പ്പിക്കാം. ഡാളസ്ڊഫോര്ട്ട് വര്ത്ത് മേഖല കേന്ദ്രീകരിച്ച് പ്രവര്ത്തിക്കുന്ന വ്യക്തികളെയും സംഘടനകളെയുമാണ് പുരസ്കാരങ്ങള്ക്കായി പരിഗണിക്കുന്നത്. തൊഴില്രംഗത്തെ മികവ്, വനിതാ നേതൃത്വം, സമഗ്ര സംഭാവന, സംരംഭകത്വം, സാമൂഹിക സേവനം, യുവജനങ്ങളുടെ നേട്ടങ്ങള് തുടങ്ങിയ മേഖലകളിലെ പ്രവര്ത്തനങ്ങള് അംഗീകരിക്കുന്നതിനാണ് പുരസ്കാരങ്ങള് നല്കുന്നത്. നേതൃത്വപാടവം, സത്യസന്ധത, സമൂഹസേവനം, പ്രവര്ത്തനങ്ങളിലൂടെ കൈവരിച്ച വ്യക്തമായ നേട്ടങ്ങള് എന്നിവ തിരഞ്ഞെടുപ്പില് പരിഗണിക്കും. 2027 ജനുവരിڊഫെബ്രുവരി മാസങ്ങളില് അന്തിമ പരിഗണനയ്ക്കുള്ളവരെ തിരഞ്ഞെടുക്കും. മാര്ച്ച്ڊഏപ്രില് മാസങ്ങളില് നടത്താന് പദ്ധതിയിട്ടിരിക്കുന്ന ഗാല ചടങ്ങില് വിജയികളെ പ്രഖ്യാപിക്കും. പരിപാടിയുടെ കൃത്യമായ തീയതി പിന്നീട് അറിയിക്കും. ലോകമെമ്പാടുമുള്ള ഇന്ത്യന് വംശജരെ ബന്ധിപ്പിക്കുകയും അവരുടെ ഉന്നമനത്തിനായി പ്രവര്ത്തിക്കുകയും ചെയ്യുന്ന ലാഭേച്ഛയില്ലാത്ത സംഘടനയാണ് ഗ്ലോബല് ഓര്ഗനൈസേഷന് ഓഫ് പീപ്പിള് ഓഫ് ഇന്ത്യന് ഒറിജിന് (ഗോപിയോ). നോര്ത്ത് ടെക്സസില് സാമൂഹിക ബന്ധങ്ങള്, നേതൃത്വ വികസനം, സാംസ്കാരിക പരിപാടികള്, സേവന പ്രവര്ത്തനങ്ങള് എന്നിവയിലൂടെ സമൂഹത്തെ ശക്തിപ്പെടുത്തുകയാണ് ഡാളസ് ചാപ്റ്ററിന്റെ ലക്ഷ്യം.
സണ്ണി പറവനേത്തിന്റെ ക്രിസ്മസ് കരോള് ഗാനം വരവേല്പ്പ് പ്രകാശനം ചെയ്തു - പി പി ചെറിയാന്
അറ്റ്ലാന്റ: ക്രിസ്തുവിന്റെ ജനനത്തെ പ്രഘോഷിക്കുന്ന ഈ വര്ഷത്തെ ഏറ്റവും ആസ്വാദ്യകരമായ ക്രിസ്മസ് കരോള് ഗാനംڅവരവേല്പ് പ്രകാശനം ചെയ്തു.څസ്വര്ഗ്ഗീയനാദംچസംഘാടകനായ സണ്ണി പറവനേത്താണ് ഗാനത്തിന്റെ രചനയും സംഗീത സംവിധാനവും നിര്വഹിച്ചിരിക്കുന്നത്. അദ്ദേഹത്തിന്റെ ഭാര്യ സിസിലി സണ്ണിയും ഈ ഗാനത്തിന്റെ നിര്മ്മാണത്തില് മുഖ്യപങ്ക് വഹിച്ചിട്ടുണ്ട്. പ്രേക്ഷകര് ഒന്നടങ്കം ഏറ്റെടുത്ത ഈ ഗാനം പ്രശസ്ത ഗായകനായ റോയ് പുത്തൂരും സംഘവുമാണ് ആലപിച്ചിരിക്കുന്നത്. റയാന്സ് മീഡിയ പുറത്തിറക്കിയ ഗാനം യൂട്യൂബില് ലഭ്യമാണ്. ഗാനത്തിന്റെ കരോക്കെ ഉടന് തന്നെ പുറത്തിറക്കുന്നതാണെന്ന് അണിയറ പ്രവര്ത്തകര് അറിയിച്ചു. കൂടുതല് വിവരങ്ങള്ക്ക്: സണ്ണി പറവനേത്ത് 678866 5336.